hindi ko alam kung bakit pero hindi naging maganda ang tulog ko, hindi ko nga alam kung tulog ba na maituturing yon dahil panay ang dilat ng mga mata ko, magulo ang isip ko hindi ko na rin alam ang gagawin ko si Pau pa rin kasi ang tumatakbo dito pilit ko mang kalimutan hinding - hindi ko magawa, nasilaw na ako ng sinag ng araw tinignan ko ang orasan alas siyete na rin naman pala ng umaga nagpasya na lang akong bumangon at maligo na lamang trip kong maglakad - lakad sa labas

"late ka na nakauwi ah, hindi pa maayos ang park mo ng kotse" sabi agad ng erpat ko pagkababa ko sa hagdanan nagkakape ito at nagbabasa ng mahahababang dyaryo, hindi na lang ako sumagot at ngumiti na lang ako "okay ka lang ba Jan?" pagtatanong niya sa akin actually ngayon lang niya ako natanong ng maayos kahit alam ko na nag - aalala sila sken puro hindi magagandang salita ang naririnig ko sa kanila "okay lang ako" sabi ko sa erpat ko "saan ka pupunta? bakit hindi ka muna kumain?" tanong na naman niya "diyan lang sa labas maglalakad - lakad, mamaya na lang ako kakain pagkabalik" tugon ko dito sabay labas ng bahay, nakita ko na agad yung mga tao sa paligid abala sa mga kani - kanilang ginagawa hindi ko na sila masyadong inintindi pa lumabas na lang ako ng gate at nagsimula ng maglakad

"teka saan nga ba ako pupunta?" bulong ko sa sarili, hindi ko alam kung saan ako pupunta alam ko wala pang mall at arcade center na bukas ng ganoong oras "bahala na kung saan na lang dalhin ng mga paa" yan na lang ang nasa isip ko, marami na rami na rin ang mga taong gising ng ganung oras pagtataka ko dahil linggo naman kung maayos lang ang tulog ko baka bukas na ako gumising lunes, may mga naglilinis ng bahay, naglalakad din tulad ko, galing sa palengke at nag - eehersisyo, may ilang tao rin ang bumabati sa akin na hindi ko naman pinapansin naririnig ko na lang sinasabihan akong "suplado" o kaya hindi naman ay "bingi" okay lang hindi ko rin naman sila kilala wala na lang pakialamanan

nakarating ako ng club house ng subdivision, may ilan ding mga tao ang nandito may mga batang naglalaro sa playground, naliligo sa swimming pool, naglalaro ng lawn tennis at basketball, ngayon ko lang nalaman may court pala dito sarap sana maglaro kaso ramdam ko pa ang ngalay ng katawan ko dala ng bugbog, umupo ako sa may tabi ng court nanonood na lang baka sakaling maaliw sa mga naglalaro buti na lang may puno hindi ganoon kainit sa kinauupuan ko

nakarinig ako ng kampana, nilingon ko kung saan nanggaling ang tunog ng makita ko ang isang simbahan "nagkaroon na pala ng simbahan dito" pagtataka ko sa sarili ko hindi naman kasi ako palasimba tanda ko huling tapak ko sa simbahan ay nung nagkaroon ng confirmation sa aming eskwelahan, lahat kami nakumpilan noon kailangan daw e ako naman sunod

hindi ko alam pero parang tinatawag ako ng simbahan, may kung ano sa pagtunog ng kampana na nagpapalapit sa akin "ganoon na kaya ako kasama?" pagtataka ko sa sarili naiisip ko baka pwedeng bawasan ko muna kahit konti, wala na akong nagawa kundi lumapit at pumasok ang simbahan sa bandang likod na ako pumwesto dagsaan na rin kasi ang mga tao ilang minuto lang nagsimula na rin ang misa ewan ko bigla akong nabagot, hindi ako naging interesado sa sermon ng pari, tayo upo kanta, upo tayo kanta luhod, andaming ginagawa mabuti na lang nasa likuran akong bahagi ng simbahan ilang minuto ng nakatayo at nakasandal sa pader

"peace be with you!" sabi ng katabi ko, ganun din ang sinabi ng nasa harap ko at lahat ng tao sa loob ng simbahan, merong nagbebeso - beso, meron nagp.peace sign, meron naman simpleng batian lang, tinitignan ko lang lahat sila kung saan - saan din ako napapalingon habang abala ang lahat sa pagsabi ng peace be with you "teka si Pau ba yun?" napansin ko ang isang dalaga sa harap ko ilang metro din ang layo niya sa akin pero hindi pa ako sigurado kung siya nga ako naman hindi na inalis ang tingin sa kanya, hindi ko alam ang nararamdaman ko biglang bumilis ang tibok ng puso ko kinakabahan pero alam ko masaya ako nagulat na lang sa nakita ko hinalikan niya yung lalaking katabi niya bigla akong lumapit sa kanila at nakita ko si Pau at Marc nga, biglang napalitan ng pagkainis ang kasiyahang naramdaman ko, hindi ko alam pero nanginginig ako sa kinatatayuan ko "ang sweet nila noh?" sabi ng babae sa tabi ko, kilala ko ang boses na yun at hindi ako nagkamali si Alexis katabi ko at balak pang asarin ako